Þú ert mögnuð manneskja

Mig langaði bara að láta þig vita hversu frábær þú ert. Þú ert mögnuð manneskja og þú getur nákvæmlega allt sem þú vilt og svo miklu meira til. Við erum oft okkar verstu gagnrýnendur og er maður einhvernveginn alltaf að kljást við dómarann í manni sjálfum. Ég er alltaf að kljást við dómarann í mér og er eitt nýlegt dæmi þegar ég var í ræktinni um daginn þar sem ég var í rauðum hlaupaskóm, bláum stuttbuxum og fótboltatreyju. Ég hleyp nánast daglega og er það lítið mál að fara í ræktina á hlaupabrettið og hlaupa x marga kílómetra hverju sinni.

Í þessu tilfelli var ég að fara að hlaupa hálft maraþon á hlaupabrettinu eða 21,2 kílómetra. Þarna á þessu augnabliki rölti ég inn í ræktina og fór að efast um sjálfan mig. Ég var fyrstu sjö kílómetrana að efast um sjálfan mig. Mér fannst ég líta asnalega út, mér fannst ég vera í asnalegum fötum og mér fannst ég líka út eins og trúður. Þarna var ég að dæma sjálfan mig og var ég raunverulega að upplifa hina félagsfræðilegu kenningu, spegilsjálfið. Spegilsjálfið er kenning eftir Bandarískan félagsfræðing sem hét Charles Cooley og lýsir sér þannig að maður ímyndar sér ímyndum annarra á manni sjálfum.

Þarna í ræktinni var ég að ímynda mér ímyndun annarra á mér og var ég búinn að ákveða að allir væru að spá í mér. Staðreyndin er hins vegar sú að það eru í raun allir spá í sér sjálfum. Þetta upplifum við öll og er það allt í fínu lagi en það er gott að átta sig á þessu og þegar þetta gerist að þá reyna að ná sér út úr því. Við erum öll að spá í okkur sjálfum. Þetta er dæmi um að maður þurfi að reyna að hafa stjórn á dómaranum sem býr innra með okkur öllum en það er oft hægara sagt en gert og er það bara allt í lagi.

Við erum öll frábær, við erum öll að gera okkar besta og við megum svo sannarlega vera stolt af okkur sjálfum og bera höfuðið hátt. Þú ert hetja fyrir að vera þú! Þú ert hetja fyrir það að vakna á morgnanna og ætla að gera þitt allra besta á hverjum einasta degi. Haltu áfram að vera þú. Þú ert frábær!

Ást og friður.