Lífið er oft ömurlegt. Lífið getur barið mann þannig niður að maður sér ekki fyrir endann á vandamálinu. Lífið getur farið þannig með mann að maður sér ekki ljósið, maður sér ekki það sem raunverulega skiptir máli. Maður á enga von. Jákvæðni er eitthvað sem er oft á milli tannanna á fólki og eru skiptar skoðanir á jákvæðni. Jákvæðni er allt. Jákvæðni er að vera, leyfa sér að líða, upplifa allar tilfinnigar, vera reið, leið og allt þar á milli.
Jákvæðni er strangheiðarleiki en á sama tíma megum við ekki missa vonina. Við megum ekki missa sjónar á ljósinu, þó stundum lítið sé. Þetta litla ljós lífsins sem getur sigrað hvaða aðstæður sem er megum við ekki missa. Það er margt í gangi í heiminum og hefur í raun alltaf verið. Það er margt sem við höfum enga stjórn á, því miður. Við verðum að sýna samkennd og standa saman á móti þessum illu öflum heimsins sem eru því miður mörg. Sýnum samkennd og dug í verki og stöndum saman. Hlutirnir verða að minnsta kosti örlítið betri ef við gerum það og er það mögulega það litla ljós sem við þurfum í virkilega erfiðum aðstæðum.
Lífið er flókið og eru oftar en ekki utanaðkomandi öfl sem gera það flókið fyrir okkur þegar þægilegasta og besta leið lífsins að margra mati er að hafa hlutina einfalda. Það sem er einfaldast í þessu öllu saman er þegar allt kemur til alls að vera næs. Vertu næs! Vertu næs við aðra og láttu aðra skína, þá munt þú skína skærar. Klisja, ég veit. Klisjur eru hins vegar klisjur af því þær eru sannar.
Allt í lífinu byrjar og endar hjá okkur. Það er jákvæðni að taka ábyrgð á okkur sjálfum. Það er jákvæðni að ætla sér, vera með markmið og vona. Vonin getur í alvöru hreyft fjöll. Jákvæðni og birta í anda þýðir samt ekki að maður þurfi að vera einhvers konar Já – maður og maður þarf ekki að vera meðvirkur gagnvart einum né neinum aðstæðum. Jákvæðni er að standa með sjálfum sér og vera stoltur af sér og því sem maður er að gera. Ef maður getur ekki hrósað sjálfum sér getur maður ekki hrósað öðrum. Þetta byrjar allt hjá manni sjálfum.
Þegar allt kemur til alls erum við magnaðar verur á einhverri plánetu í einhverju sólkerfi og vitum við í raun ekki nokkurn skapaðan hlut um eitt né neitt í þessari tilveru, hliðartilveru eða hvað sem ætti að kalla lífið. Höfum svolítið gaman af þessu, höfum húmorinn að vopni og þá sérstaklega fyrir okkur sjálfum og verum næs!
Ást og friður.
.avif)
.avif)
